Sunday 15 August 2010

La Fèrme, La Trinneté

Mouon Doue, tchi temps pour la chant'tie à La Fèrme ch't année!

Ch'est damage qu'Les P'tits Crapauds n'avaient pon pratitchi "J'Chantons dans la Plyie" pour la p'tite audienche tchi 'tait là abrité contre la plyie, tchi tchiyait par bouqu'tées... Nou annonchit avant la chant'tie qu'tout 'tait annulé pour l'arlevée, mais Les P'tits Crapauds montritent qu'i' sont des vrais Jèrriais qu'i' n'sont pon dêcouothâgi par un mio d'ieau!

La stâlle 'tait un succès étout, et j'vendit des T-corsets et des livres maugré l'temps. Mèrcie à touos!

Goodness, what foul weather we had for the open day at La Fèrme this year!

It's a shame that the P'tits Crapauds hadn't rehearsed "Singing in the Rain" for the small audience who sheltered there against the rain which was falling in buckets... They had announced before the singing that the afternoon's events were cancelled, but the P'tits Crapauds showed that they are true Jèrriais who aren't put off by a bit of water!

The sales stall was successful too, and sold some T-shirts and books despite the weather. Thanks to everyone who was there!

No comments: