Monday 23 April 2012

La Saint George et Shakespeare - Shakespeare and Saint George's Day

Portrait of Shakespeare - geograph.org.uk - 956704Bouonne fête ès anmîns Angliais! Lé 23 d'Avri, ch'est la Saint George.
Happy Saint George's Day to our English friends!

Et né v'chîn du Jèrriais entouor Shakespeare:

Patates Fricachies
Shakespeare 'tait un Angliais: il avait, dans san temps,
Eune bouanne réputation - coumme êcrivain, j'entends -
Pour sa vie en famille, je n'sai pon tch'est qu'ou fut:
Il 'tait mathié, mais ch'la n'asseûthe pon la vertu!

A William Shakespeare
San Henri, San Macbeth, Roméo-z-et Juliette,
San Roy Jean, san Twelfth Night, s'n Othello, san Hamliette
L'ont immortalisai - ch'est nouot pus grand auteur,
Chez nouot pus grand rimmoeux, chest nouot pus grand acteur.
Gerry, noble Gerry, oh prend musette et fliuste,
Tan hautbouais, tan cliairon et d'un co les affluste;
Fait les battre et souonner d'un accord solennet,
Au rimmoeux de l'Avon, à Shakespeare immortet.

R'chard II
Chu trône royal de Roués,
Chutte Ile portant un scèptre,
Chutte terre de Majesté;
Chu siège de Mars.
Chut autre Eden
Chu démi Paradis.
Chutte fortresse bâtie par la Natuthe
Contre l'învâsion et la forche d'dgèrre.
Nouôrriche d'hoummes sans pathelles!
Chu tout p'tit univèrs.
Chutte pierre précieuse entourée par eune mé d'argent,
Tchi lî sert de remparts,ou de fossés, pour sa protection
Contre l'envie des pays mains heûtheurs.
Chu coin béni, chu royaume, chu Jèrri!

Sonnet 65
La brîse d'Êté tchi fliatte les moûques à myi
Est êssoûffliée par la futhieuse tempête.
Et, pitchis bas par les siècl'yes sans pitchi,
Les monts et l'fé s'sont oubliés souos la bliête.


En mémouère de Shakspeare
A ch't-i'-là tchi de sen esprit
Pour touos temps des leçons nos sert,
Shakspear' not' maitre et notre ami,
A li ches vers.

Un Tas d'brit entouor rein
Ch'est-i' un portrait qué j'vai l'avant à mé? Assa, à ches drein nou-s'a annonchi l'identificâtion d'un portrait d'Ouiyamme Shakespeare fait d'san vivant. Si ch'n'est pon eune conmédie d'mêprînses, v'là tch'est eune dêcouvèrte hardi întérêssante pouor les cheins tchi sont întérêssis dans la littéthatuthe Angliaîche.

No comments: