Saturday 1 December 2012

Noué: L'êtaile - Star

Marchi Saint Hélyi Noué 2011 aD'la bliogu'thie d'Noué - Christmas blogging
J'avons dêjà bliodgi un cantique dé Noué par jour et don ch't' année, car lé changement fait du bein, j'allons bliodgi des cantiques dé Noué par thème. Ch'est en tchi, j'avons tchilyi des buts d'cantiques et rassemblié ches vèrsets s'lon les thèmes. Clyitchiz sus les titres à seule fîn d'vîsiter les cantiques sus Les Pages Jèrriaises.

Having previously blogged a carol a day for Christmas, this year we're trying something different: snippets of carols arranged by theme. A theme a day with carols galore!


L'êtaile
Êtaile du ciel

Êtaile du ciel,
Si mangnifique et si brillante,
Tchi mouontre lé c'mîn
Jusqu'à l'êtabl'ye
Où'est qu'est chu p'tit êfant.
Chantez fidèles, dé tout bouan tchoeu,
Pouor vot' Seigneur, lé Fis du Bouan Dgieu.

Oh Tchi Douoche Niet

Oh tchi douoche niet! oh tchi sainte niet!
L'êtaile lît, tout est cliai. 

Êtailes, êtailes

Êtailes, êtailes, si cliaithes dans la niet;
Êtailes, êtailes, êcliaithiz not' Noué!

Atout jouaie dans l'temps jadis

Atout jouaie dans l'temps jadis,
L's anciens tch'étaient rêvilyis
Vîdrent là lueu d'la belle êtaile
Tch'êcliaithait lé c'min du Ciel;

J'sommes trais Mages

Oh tchi belle êtaile dans les cieux!
Tchi nos dgid'da coumme eune veue
Canté les Rouais, tréjous vèrs l'Vouêt,
Condi-nous au Fis dé Dgieu!

À travèrs les montagnes

En avant toute la niet,
Niet si seule et sombre,
Auve Ta sainte leunmiéthe
Lisant l'avant à ieux,
Mène-les, Juis et Paiens,
Au r'pos êtèrnel,
Jannes et vièrs étout
Condis par T'n êtaile.


Pétite âne

Suiviz l'êtaile chutte niet,
Bethléem, Bethléem;


Êtailes, êtailes

Par sus la ville, eune êtaile est à mèrtchi
qu'à Béthléhem un Saûveux nous est donné.
Y'a dans l'êtabl'ye dans tchi l'êfant est bèrchi
d'l'enchens, d'la myrrhe, et d'l'or tchi lit si bé.

Lé Preunmié Noué

I' vîtent dans l'ciel eune grande êtaile
Et sus chu monde, la lueu 'tait belle

Pétite âne

Pétite âne, pétite âne,
Té v'là quâsi là,
Né hésite pas pour un înstant,
L'êtaile l'avant va;
À eune êtabl'ye, ma p'tite âne,
Ou s'n va t'dgider,
Car dans chutte pliaiche s'en va naître
Lé fis du Bouân Dgieu.

À travèrs les montagnes

Té qui dans eune êtabl'ye
Au monde arrivit,
Qui à ch'teu en glouaithe
Sus touos rouoyaumes règne,
Èrtchille les pouôrres paiens
Des pays lointains
Qui n'ont janmais veu lithe
Ch't êtaile sans patheille.


Êtailes, êtailes

Mais eune êtaile lit sus la ville dé Dâvi,
et v'là tchi d'vale sus ieux la lueu d'la glouaithe.

Bethléhem

Les bèrgers dans l'côti couochis
Vîtent la brillante êtaile,

Jésû est né

Louangez lé Seigneur, Jésû est né;
Car dans eune êtabl'ye l'êfant divîn
Annoncé des anges, mèrtchi d'l'êtaile;
Not' Sauveur fut né à Bethléhem!

No comments: