Monday 14 September 2015

Mèrcie

Né v'chîn l'texte d'aniet d'not' auteu du mais, Joan Tapley:

Here's today's text by our author of the month, Joan Tapley:

Mèrcie
Mèrcie pour touos nos bouons bieaux matîns,
Mèrcie pour touos nos jours si frais,
Mèrcie qué j'peux Té donner mes peines,
Mèrcie bein des fais.

Mèrcie pour touos mes bouons chièrs anmîns,
Mèrcie pour tout l'monde qué j'connais,
Mèrcie qué j'peux toutes choses pardonner,
Malheu et péchés.

Mèrcie pour ma vie et man travas,
Mèrcie pour tout ch'qui m'donne d'la jouaie,
Mèrcie pour ché qui m'fait être heûtheux
Tout ch'qui m'donne d'la paix.

Mèrcie pour les ombres et la tristesse,
Mèrcie du confort dé Ta vouaix,
Mèrcie qué Tu s'ras tréjous man dgide,
Partout où'est qué j'vais.

Mèrcie d'la sagesse dé l'Êvangile,
Mèrcie au Saint Esprit toutes fais,
Mèrcie pour Tan pouver et T'n'amour
Tchi veint d'liain et d'près.
Mèrcie pour Tan pouver et T'n amour
Tchi veint dé liain et d'près.

No comments: